Şervananê QSDyî Serhat Reqayo Xoverdayîşê Awbendê Tişrînî de ca geno ANFyî rê qala xoverdayîşê tarîxîyî yê  Awbendê Tişrînî kerde.

Serhad Reqyî wina vat: ''Tay qewimîyayîşî est ê ke erjê înan o tarîxî est o û ganî no nêro vîrakerdene. Bitaybetî bado ke dewleta tirke û çeteyanê ci hêrişê herra Sûrîye kerd rejîmê Sûrîye peyser şi. Planê dewleta tirke yê vera QSD, YPG û YPJyî do ser mekewê û do mereso waştişê xo. Her çiqas dewleta tirke ya îşxalkere û çeteyê ci bi teknîkê giran û averşîyayoxî hêriş bikerê zî ê nêeşkenê vera îradeyê QSDyî vinderê û nê xoverdayîşî bişiknê. Îradeyê QSDyî îradeyê şaran û wayûbiratîye temsîl keno. Planê dewleta tirke ser nêkewtî û nêtepişt.

 Xoverdayîş û şerê ma vera îşxalê Tirkîya yo. Dewleta tirke heme çeke û teknîkê xo teslîmê çeteyan kerdo. La ê se kenê wa bikerê îradeyê ma do ser bikewo. Qet çew nêeşkeno qala nê xoverdayîşî bikero, xoverdayîşê Tişrînî nîno tarîfkerdene. Xoverdayîşêko zaf gird est o. Heta ke merdim tîya mevîno nêeşkeno fam bikero. Tîya moral û qerardarîya girde est a. Ma paştdayîşê girdî şarê xo ra genê û ma do tim cayê şarê xo de bê. Ma do xoverdayîşê Tişrînî heta peynî bidomnê.

Şarê ma zî çirey ma têna nêverdenoo, tim paştî dano ma. Tişrîn de vera şarê ma hêrişê giranî yenê kerdene. Dişmen vera ma her qeyde teknîkî şuxulneno. Rixmo ke xeylê sîvîlî şehîd û birîndar bîyî şarê ma şervananê xo têna nêverdeno. Paştîdayîşê şarê ma moralo pîl dano ma.

Ma reyna soz danê şar û şehîdanê xo: Ma do şarê xo bipawê û gonîya şehîdan erdî de meverdê. Na çarçewe de wa dewleta tirke û çeteyê ci bizanê ke herra ma ke pê gonîya şehîdan ameya awedayene, ê do meşeknê game bierzê ci. Heta dalpaya gonîya xo ya peyêne ma do na herrê bipawê. Wa dewleta tirke ya îşxalkere bizano ke QSD do nefes nêdo înan û xoverdayîşê xo bidomno.''