Teorîyê Îzafîyetî yê Albert Eînsteînî ra nata bala zanayaran bi taybetî serê Lanesîyayan de bîye. Heta nika fotorafêkê Qulesîyayan nêamebi antene û teyna bi teorî amebi îspatkerdene.

Labelê bi doneyê ke Teleskopê Event Horîzonî (EHT) ra ameyî girewtene, êdî no teorî bi fotografêk zî ame îspatkerdene. Teleskopê EHT’î, serra 2012 de hetê Weqfa Zanistî ya Neteweyî ya Amerîka ra seba ewnîyayîşê Qulesîyayêk ame awankerdene. Dane û zanayîşê ke EHT’î ra ameyê girewtene, bi kombîyayîşêk çapemenîye hetê zanyaran ra dinya reyde ameyî parekerdene. Kombîyayîş de ame vatene, reya verêna fotorafê Qulesîyayêk ame antene û no fotograf ame waşanayene.

Qulesîyaya ke fotografê ci ameyo antene galaksîyê bi nameyê Messîer 87 e. de ya. Bi hetkarîya 8 teleskpanê serê rîyê dinya, fotografê ci ameyo antene. Qulesîyaye seba ke tarî ya û estare, estarger her çîyanê dorê xo qurtnena, heta nika zanyaran kerdibi nêkerdibi nêeşkabî tespît bikerê. Qulesîyaya ke qalê ci yeno kerdene, temamê sîstemê Tîje ra girdêr a, 55 mîlyon serrî bi leza roşnîye dinya ra dûrî ya. Serrêk leza roşnîye yeno manaya  9.5 trilyon kîlometre. Zanyarê ke tewrê projeyî bîyê da zanayene ke, fotografê Qulesîyaye teorîyê Albert Eînsteînî yê destpêkê serserra 20’î paştraşt û xurt kerdo.