Terpinê vera vîrûsê Ebola bi rayberîya Rêxistina Weşîye ya Dinya (WHO) serra 2015 de ameye averşîyayene. Labelê no terpin vera kokanê vîrûsî de teyna yewêk de tesîr keno. No terpin Komara Kongo ya Demokratîke de yeno xebitnayene. Komara Kongo ya Demokratîke de 500 kesî rîyê Ebola ra merdî.

Bi antîkorêkê neweyî yo ke cigêrayoxanê Amerîkanijan tespît kerdo, cehd kenê ke vera vîrusê Ebola de gamêka bîne aver de bierzê. No antîkor eşkeno hîrê kokanê vîrûsî ser o tesîr virazo.

Goreyê xeberêka kovara Natûre Strûctûcal and Molecûlar Bîologyî panc kokê vîrûsê Ebola estê. Cigêrayoxan da zanaye ke bi antîkorê neweyî, ê do bieşkê koka hîrêyine ya vîrûsî zî werte ra wedarê.

Goreyê Erîca Ollmann Saphîre ya sazgehê La Jolla Institute for Immunologyî awanîya molekulerî xo resnayo cayêko stratejîk ê vîrûsî. Saphîre ard ziwan ke na awanîya molekulerî eşkena heme pawitişanê vîrûsî xo rê bikera hedef.

Vîrusê Ebolayî temasêko qij ê nêweş û merdiyan reyde derbazê merdiman beno. Goreyê tewirê vîrûsî se ra 30 û heta se 90 eşkeno merdiman bimirno.