Grevê vêşanîye yo bidor yo ke vera tecrîdê serê Rayberê Şarê Kurdî Abdullah Ocalanî zîndananê Tirkîya û Krudîstanî de dîya destpêkerdene, roja 10. de dewam keno. Tepişteyanê Zîndanê Bi Asayîşê Berzî yê Amedî derheqê çalakîye de mesaj şawite.

Mesajê tepişteyan wina yo: ''Seke yeno zanayene 50 serrî yo şarê kurdî statuyê xo wazeno û Rayber Birêz Abdullah Ocalano ke serkêşê nê waştişê demokratîkî yo 25 serrî yo Îmrali de yeno tepiştene ke her roja ci îdamî ra wetêr a. Wa pêro şarê ma û dostê ma bizanê ke Rayber Apoyî çirey xizmetê nemrutan û sîstemê înan nêkerd û ewro ra tepîya zî do mekero. 3 serrî yo tecrîdê serê Rayber Apoyî ame giranêrkerdene û tira qet xeberêke nîna girewtene. No tecrîd rewna sînoranê tehemulî ra ravîyarto. Ma sey tepişteyanê sîyasîyan ê kurdan paştî danê hemleya Rayber Apoyî rê azadîye meseleya kurdan rê çareserîya sîyasîye. Seba ke tîya îmkanê ma çîn ê, ma bi grevê vêşanîye yê bêdem-bidorî wayîrê hemle vejîyenê. Ma veng danê şarê xo û dostanê xo ke wa aktîf mîyanê prosesê xoverdayîşî de ca bigêrê."

Hetê bînî ra tepişteyê cinîyî yê sîyasîyî yê Zîndanê Gebze zî tewrê çalakîya grevê vêşanîye bîyî. Tepişteyan bi mesajêk çalakîya xo daye eşnawitene û vegn da ke wa her kes wayîrê na hemle vejîyo û wezîfeyê xo bîyaro ca.