Kombîyayîşê 234’in ê Meclîsî yê Yewîya Asmênnasî ya Amerîka de, ke Saînt-Louîsî de ame viraştene, merdimanê zanistî da zanayene, teqayîşê xurt ê sey Tîje, ke ci ra “''flare super'' yeno vatene, tesîr bi estareyanê bînan kenê.

Merdimanê zanistî da zanayene, nê teqayîşî hem eşkenê dest bidê estareyanê aktîf û ciwan ra û hem zî eşkenê hîna verênan ser o tesîr bikerê. No zî nîşan dano ke çîyêko winayên do bieşkeyo bêro serê Tîje zî.

Eke merdim bala xo bido serê çerixîyayîşî, teqayîşo bîn 2023-2024 de do bibo. Teqayîşê Tîje beno ke çend deqayî yan zî çend saetan do dewam bikero.

Zanyarî seba ke biresê netîceyê nê zanayîşî, awanîya 43 estareyan muşahede kerdî ke nê tewr nêzdîyê Tîje yê. Netîce de no tesbît ame kerdene: Estareyanê sey Tîje de teqayîşî eşkenê tesîr bi estareyanê kanan zî bikerê.

Rîyê teqayîşê Tîje yê serra 2017 de Ewropa û Amerîka de torreyê telefonan asteng bîbî.