Xoverdayoxanê Strasbourgî ard ziwan ke ê Newroze bi qerardarîya Mazlûm Doganî, Hayrî Dûrmûşî, Zekîye Alkane, Rahşan Demîrele, Ronahî, Bêrîvane û Zulkuf Gezenî pîroz kenê û her kes dawetê Newroze kerd.

MUSTAFA SARIKAYA

Xoverdayîş o ke seba cuya merdimî û serkewtişî yeno viraştene, bi Newroze xemilîyeno. Ez bawer kena ke Newroza emserî do rindêr biba. Newroz a ke çimeyê ci xoverdayîş o, ma do bi xoverdayîş rindek bixemilê û mana bidê ci.

KARDO BOKANÎ

Senî ke Dehaqî bin kewtî, Medî vejîyayî werte, şarê Kurdî newe ra dest bi xoverdayîşî kerdo û îşxalkaran Kurdistan ra do vejo, Kurdistanî azad bikero. Ma Newroze bi nê hawayî pêşwazî kenê.

DÎLEK OCALANE

Ez bawer kena ma do na hemlaya xo ya ‘Kurdistano  Azad, Raybero Azad, Cuya Azade’ ser bikewê. Ma bi xoverdayîşê girdî dest bi roşanê cuya neweyî kenê. Ez bawer kena ma do ser bikewê.

AGÎT ÛRAL

Newroza emserî Newroza serewedaritişî û serkewtişî ya. Ma bi ruhê xoverdayîşî dest bi Newroze kenê. Ma do tecrîdkerdişê Rayberê xo biqedênê. Newroza şarê xo pîroz kena û her kesî silam kena.

RAMAZAN ÎMÎR

Ma do Newroza bi ruhê xoverdayoxan ê hemrayê ma Mazlûman, Semayan, Zekîyeyan û Zulkufan pêşwazî bikerê. Roşanê Newroza şarê çar parçeyanê Kurdistanî yê ke xo ver ro danê pîroz kena.

AYVAZ ECE

Newroza Rayberê ma, hevalan ê ke xo ver ro danê, şarê Kurdî û dostanê şarê Kurdî pîroz kena. Ma do şemala Newroze heta Kurdistano azad berz bikerê.

NÛRGUL BAŞARANE

Newroza ma ya emserî Newroza xoverdayîşî ya. Her kesî ra wazena ke bi ruhê xoverdayîşî tewrê pîrozkerdişanê Newroze bibê û bibê vengê xoverdayoxan. Bitaybetî cinîyê ciwanî û hevalê cinîyî.

MOHAMMAD GHADERÎ

Xoverdayîşê ma seba wedaritişê tecrîdî û afernayîşê ameyoxo azad ê şarê Kurdî yo. Newroza şarê ma pîroz kena. Bitaybetî silamanê xo Rayberîye û kesan ê ke seba azadîya Kurdistanî xo ver ro danê rê şawena.

DENÎZ SURGUT

Ma; xoverdayoxî reyna soz danê, ma do Newroza emserî seba şarê xo bikerê wisarê azadîye yê. Ma do bi xoverdayîşê xo hewranê sîya û tarîyan yê serê şarê xo mîyan ra wedarê û wisar bîyarê welatê xo.

GULÎSTAN ÇIYA ÎKE

Newroze seba şarê Kurdî Roşanê gandarbîyayîşî ya. Roja ke xoverdayîş ser keweno. Hemleya xoverdayîşî dewam kena. Wa her kes bi xurtî tewrê Newroze bibo û  eynî wext de bibo vengê xoverdayoxan.

YUKSEL KOÇ

Ez bawer kena ke şarê Kurdî û dostê ci Newroza emserî do biresnê sewîya tewr berze. Newroz a ke mijdîdanîya wisarî ya, mijdîdanîya azadîye ya do biba kilîtê ‘wedaritişê tecrîdî’. Biciwîyo Newroze!

NÎMET SEVÎM

Seba ma bimana û keyfweşî ya ke ma bi xoverdayîş dest serra 2019’î kenê. Ma Newroze timî bi ruhê xoverdayîşî pîroz kerde. PKK’yî  Newroze rojêk ra vete û kerde Newroza herdemî. Nika zî bi ê ruhî ma cehd kenê nê demî bi azadîye bimûnê.

EKREM YAPICI

Verê her çîyî serkewtişê Rojawanî pîroz kena. Verê Newroze nê serkewtişî ma kerdê sereberz. Xora amancê xoverdayîşê ma zî garantîkerdişê nê destkewteyan o. Ez bawer kena ma do demêko kilm de bi hawayêko azad Newrozanê neweyan de bêrê têhet.

KEREM SOLHAN

Newroza emserî yê verênan ra cîya ya. Seba ke ma çar parçeyanê Kurdistanî de bi xoverdayîşan pêşwazî kenê. Ganî şarê ma bi ruhê xoverdayîşî bivejîyo wareyan û Newroze  pêşwazî bikero. Ez hêvîdar a ke şemala Newroze ma biresnê serkewtişî.

ÇIME: ROJNAMEYA YENÎ OZGUR POLÎTÎKA