Kitabê Ocalanî yo bi nameyê ‘Şaristanîya kapîtalîste: Homayê maskeyinî û demê şahanê nimiteyan’ o ke cildo dîyin ê Manîfestoyê Cimatê Demokratîkî yo bi nameyê ‘Dîe kapîtalîstîsche Zîvîllîsatîon: Ûnmaskîerte Gotter ûnd nackte Konîge’ Almankî rê amebi açarnayene. Cildo yewin ê nê kitabî serra 2017 de Almankî rê amebi açarnayene. Ocalan kitab de bi vînayîşêkê îlimkîyî, prensîbê kulturêkê îdeolojîk û sîstemê xo yê exlaqî pêşkêş keno.

3 Welatan de Dayîşnaskerdişê Kitabî Yeno Kerdene

Kitab hetê Reîmar Heîderî ra ameyo açarnayene ke selahîyetdarê Însîyatîfê Mîyanneteweyî yê Azadî seba Ocalanî rê yo û hetê Weşanxaneyê Ûnrastî ra ameyo çapkerdene. Dayîşnaskerdişê kitabî bajaranê Almanya, Swîsre û Awusturya de yeno kerdene. Heta nika xeylî bajaran de dayîşnaskerdişê kitabî ameyo kerdene.

No hewte zî kitab do bajaranê Flensbûrg, Lubeck, Bîelefeld, Dusseldorf û Bochûmî de bêro dayîşnaskerdene.

24’ê Gulane saet 19 de: Flensbûrg, Radio Fratz, Große Straße 4, 24937

25’ê Gulane saet 19 de: Lubeck, Café Brazil, Willy-Brandt-Allee 9, 23554

27’ê Gulane saet 18 de: Bîelefeld, Uni Bielefeld, C5-141, Universitätsstr. 25, 33615

28’ê Gulane saet 19 de: Dusseldorf, FAU Düsseldorf, Voltmerswerther Straße 6, 40221

29’ê Gulane saet 18 de: Bochûm, Ruhr-Universität Bochum, Raum GBCF 04/414