Eşkera bi ke bi tahqîqatê Serdozgerîya Komare ya Enqere 5 hemwelatijê Almanî ameyî destbendkerdene.

Ame zanayene ke 5 hemwelatijê Almanê ke çend rojan cuwa ver bi operasyonêk ameyî destbendkerdene, Mudirîya Asayîşî ya Enqere de yenê tepiştene û hayîya Konsolosxaneyê Almanî zî nê serebutî ra esta.

Goreyê zanayîşan  derheqê tahqîqatî de astengîye ameye dayene û derheqê kesê ke ameyî destbendkerdene de bi îdîaya "endamê rêxistîne" û "propagandaya rêxistine kerdişî" muameleyê legalî înan rê ameyî kerdene. Ame vatene ke dimayê îfadeyî 5 hemwelatijê Almanî do bêrê berdene bi dozgerîye

Soylûyî  Nika ra Ver Tehdît Kerdibi

Wezîrê Karanê Zereyî yê Tirkî Suleyman Soylû nika ra ver Adare de tehdît kerdibi û vatibi "Seba înanê ke Ewropa, Elmanya de tewrê kombîyayîşê rêxistinan ê terorî benê û dima yenê Antalya, Bodrum, Mugla de arisîyayîş kenê, seba înan ma tebdîrî girewtî. De bêrê, meydanê teyara ra bikewê zereyî. Bêrê destbendkerdene û yallah, wina rehet nîyo. Teberî de xayînîye bikê û zereyî de zî Tirkîya de kêfê xo bikê. Nika ra û naye ra dimayî wina asan nîyo."