Serekkomar Recep Tayyîp Erdoganî pare kerdbi ke sîstemê weçînayîşî yê baroyan do bêro vurnayene. Ê Amedî, Îstanbul, Anqara, Îzmîr û Antalya zî tede 50 baroyan eşkerayîyêka hempare daye û îfade kerd ke ê nê vurnayîşî qebul nêkenê.

Baroyan da zanayene ke wexto ke vurnayîşê qanûnan ame amadekerdene, fikr û pêşnîyazê baroyan nêameyî girewtene û baroyî teberê prosesî de mendî. Baroyan vat: ''Ma do nê vurnayîşanê antîdemokratîkan ê ke wazenê şaristanan de xeylêk baroyî bêrê akerdene, hûmara delegeyan bêra vurnayene û qanûnê avûkatîye bêqîmet bibo, qebul nêkerê. Ganî nê mudaxeleyî ra fek bêro veradayene.''

Serekanê baroyan ê Adana, Anqara Semsûr, Antalya, Êlih, Bedlîs, Bursa, Çanakkale, Amed, Duzce, Erzîngan, Dîlok, Eskîşehîr, Colemêrg, Hatay, Kayserî, Mersîn, Mûş, Ordû, Sêrt, Şirnex, Riha, Tekîrdag,Wan zî tede xeylêk serekanê baroyan nêrazîbîyayîşê xo mojna.