6 kesanê ke bi deyîranê kurdkî govende girewte ameyî destbendkerdene
Bazîd de 6 kesanê ke bi kincanê herêmî û deyîranê kurdkî govende girewte bi îdîaya ''propagandaya rêxistine'' ameyî destbendkerdene.
Bazîd de 6 kesanê ke bi kincanê herêmî û deyîranê kurdkî govende girewte bi îdîaya ''propagandaya rêxistine'' ameyî destbendkerdene.
Qezaya Bazîdî ya Agirî de polîsanê tirkan perey eşt veyveyî ser û wayîrê veyveyî Ali Boran, muzîsyen Şenol Aktar û birayê ci Onur Aktar û kameraman Abdullah Kebude destbend kerdî.
Kesê ke ameyî destbendkerdene bado ke Şubeyê TEMî de îfade saetanê vizêr saetanê serê sibayî de ameyî veradayene.
Qeza de saetanê sere sibayî de xeylêk keyeyî bînî ameyî sereştene. Serşetişan de Gokhan Rizaoglu, Seyyît Îbrahîm Yardimci, okan Sekirden û di kesê ke nameyê înan nêameyî musayene û Îstanbul de Mulucan Sekirden ameyî destbendkerdene.
Kesê ke ameyî destbendkerdene seba ke di hewte verî veyveyêk de bi kincanê herêmî û deyîranê kurdkî govende kerde bi îdîaya ''endamîya rêxistene'' ameyî sûcdarkerdene.