Derheqê 7 rojnamegeran de seba ke lînkê xeberêk a derheqê Hetkarê Fermandar o Pêroyî yê Cendermeyan Mûsa Çîtîlî medyaya dosyale de pare kerde, yeno waştene ke serrêk ra heta hîrê serran cezaya zîndanî bêra dayene.
Semedê 7 rojnamegeran seba parekerdişê medyaya sosyale heta hîrê seran cezan yena waştene.Xebera ke bîya babeta sucdarkerdişî, derheqê sucan ê şerî yê Dewleta Tirkî qezaya Sûrî ya Amedî de bî.
Rojnamegeran xebera ke Ajansê Xeberan ê Dîcle ra ameye girewtene (DÎHA) medyaya sosyale de parbekerd û derheqê înan de dewa ameye akerdene. Rojnamegeranê ke înan rê dewa ameye akerdene Omer Çelîk, A. Vahap Taş, Çagdaş Kaplan, Selman Çîçek, Hamza Gunduz, Înan Kizilkaya, Kemal Sancili û Selîm Gonenç ê ke roniştişê dewa yê çarine yê înan Mahkemeya Ceza ya Girane ya 9'ine de ameye kerdene. Rojnameger Kemal Sanciliyo ke dewayêka bîne ra tepişte yo, Zîndanê Edîrne yê Tîpê F'yî ra bi SEGBÎS'î tewrê roniştişî bi. Rojnamegerê bînî tewrê roniştişî nêbîyî. Dozgerîya Tirkî parekerdişanê serê medyaya sosyale sey hedefmojnayîşê Çîtîlî şîrove kerd û waşt ke rojnamegerî serrêk ra hîrê serran bêrê cezakerdene. Avûkatê rojnamegeran Resûl Tamûrî seba ke pawitiş bike waştişê wextêkî kerd. Mahkeme waştiş qebul kerd û roniştişê dewa yê verba rojnamegeran 8'ê Kanûne rê taloq kerd.
