Odaya Muhendîsanê Înşaatî (ÎMO) şubeyê Wanî seba ke tespîtê xesarî bikerê 74 muhendîsî erşawitî Mereş. Serekê Şubeyê Wanî Mîhaîl Atikî vat ke, amancê ma bi lez û bez hewcedarîyê şarî yê banan bêrê çareserkerdene.

Atikî wina dewam kerd, ‘‘Do demêkî bixebitîyê û dima agêrê. Eke reyna hewcedarî est biba ma eşkenê reyna embazanê bierşawê herême. Di rey pêser erdlerz virazîya û zirarê ci zî giran bî. Ma wazenê nê zirarî tespît bikerê.

Mîhaîl Atiko ke ard ziwan ke erdlerzî ra dima bi hezaran awanîyî rijîyayî û bi hezaran zî xesar gitewto, ‘‘Hewce keno ke ma xesaranê awanîyan tespît bikerê. Gere ma bizanê ke kamcîn bîna xesar girewto û kamcîn bîna zî nêgirewto. Amancê ma nê prosesî lez biqedênê û wa şar lez bieşkîyo setargehê xo tedarîk bikero.’’