Kurdîstan de cenazeyê bi seyan kesanê ke qedexeyê tebervejîyayîşê ke 2015î de ameyî despêkerdene hetê dewlete ra ameyî qetilkerdene goristananê bêkesan de yê. Dewlete bi waştişê merdeyan ra qesasgirewtişî dest nayo meyîtan ser.

Nê qedexeyan de bi hêrişê hêzanê dewlete de bi seyan kesî ameyî qetilkerdene û cenazeyê înan rixmê muracatê merdimanê înan nêdîyayî. Cenazeyî bajaranê cîya cîyayan de goristananê bêkesan de yê. Tayî cenazeyî zî seba ke keyeyan muracat nêkerd goristananê bêkesan de yê. Hetê bînî ra dewa Oleka Jorî ya Bedlîsî de Goristanê Garzanî gorî ameyî weşanayene û 267 cenazeyî ameyî remnayene û nînan ra 264 cenazeyî zî Goristanê Bêkesan ê Kîlyosî yê Îstanbulî de yê.  Goreyê zanayîşê MEBYA-DER û şaredarîyan ra ameyî girewtene tewr tay cenazayê 974 kesanê ke pêkewtiş û bombardûmanan de cuya xo vînî kerde goristananê bêkesan de yê.

Hûmara cenazayan goreyê bajaran wina ya: Mêrdîn 49, Şirnex 95,  Amed 28, Sêrt 100, Dêrsim 100, Êlih 2, Adana 13, Erzirom 46, Meletî 266, Riha 11, Îstanbul 264.