Grevê vêşanîye yê Omer Bagdûr, Cemal Kobanê, Şîyar Xelîl û Mele Mûstafa Tûzakî yê vera tecrîdkerdişê Rayberê Şarê Kurdî Abdullah Ocalanî dewam keno.

Cemal Kobanê yo ke 29'ê Çele ra nata grevê vêşanîye de yo, vizêrî saetanê şanî de rewşa ci ya weşîye giran bîye, coka doktoran bi lezabez cayê çalakîye de Kobanê kontrol kerd.

Seba ke rewşa ey a weşîye giran a, kedkaranê weşîye qerar da ke ey berê nêweşxane. Doktoran da zanayene ke organê zereyî yê Kobanêyî şenik mendê ke bi temamî îflas bikerê labelê Kobanêyî tu pêşnîyazê tedawîkerdişî qebûl nêkerdî.

Cemal Kobanêyî awa ke wezîfedaranê weşîye nêweşxane de daye ci zî red kerde û waşt şoro leyê hevalanê xo yê ke grev de yê. Dimayê wextêkê kilmî o ame berdene bi leyê hevalanê ey.

Kobanêyî da zanayene ke o do bi qerardarîye çalakîya xo rê dewam bikero.

Omer Kobanê 113 rojî yo grevê vêşanîye de yo.