Bi vengdayîşê KCDK-E û TJK-Eyî seba ke tecrîdê serê Rayberê Şarê Kurdî Abdullah Ocalanî bêro wedartene û bireso azadîya xo bi tewrbîyayîşê hezaran kesan vizêr çalakîyêk amî destpêkerdene.

Heta 18ê Teşrîna peyêne her roje cayêkê cîyayî yê Ewropa ra do temsîlkarê sazîyan û welatperwerî tewrê çalakî bibê û hetêna ra zî nobeta bi nameyê “Nobeta Ocalanî rê  Azadî” zî bêvindertiş dewam kena.

Ewro hunermendanê kurdan ê ke çalakîye de cayê xo girewtî waşt ke Komîteya Vernîgirewtişê Îşkenceyî (CPT) gamêk vernîya gamêk de bikewo mîyanê têgêrayîşî û ard ziwan ke ê seba nê amacî Strasbourg de yê. Mîyanê hunermendan de kesê sey Hozan Comert, Hozan Cewad û hunermendê tîyatroyî Amele zî ca gênê. 

Vizêr dimayê çalakîye ra Kurdistanijê ke waştî verê CPT û MHMEyî de waştişanê xo yê demokratîkan biyarê ziwan polîsanê fransizan muxadeleyê înan kerdibi û bi bombayanê gaz û vengî hêrişê înan kerdibi. Qewimîyayîşan de xeylî ciwanê kurdî gîrîyabî binê nezaretî û xeylî kesî zî birîndar bîbî û ameybî berdene bi nêweşxane.