Grevê vêşanîye yo ke tepişteyanê PKK-PAJKî zîndananê Vakurê Kurdîstanî û Tirkîya de çarçeweya hemleya ''Rayber Apoyî rê azadîye, meseleya kurdan rê çareserîya sîyasîye'' de dabi destpêkerdene, roja 65. de yo.
Grevê vêşanîye yo bidorî yo ke semedê azadîya fîzîkîye ya Rayber Apoyî zîndanan de dîya destpêkerdene, roja 64. de dewam keno.
Çalakîya ke kewte aşma hîrêne, tepişteyanê PKK-PAJKî çarçeweya hemleya ''Rayber Apoyî rê azadîye, meseleya kurdan rê çareserîya sîyasîye'' de 27ê teşrîna peyêne de da destpêkerdene û heta 15ê sibata 2024î do dewam bikero.
27ê teşrîna peyêne tarîxê ronayîşê PKKyî yo û 15ê sibate zî tarîxê komployê mîyanneteweyî yê vera Rayber Apoyî yo.
Rayber Apoyo ke 25 serrî yo raştê polîtîkayanê tecrîdî yeno, 34 aşmî yo ke destûr nêdîyeno keye û avûkatanê xo rede pêvînayîş bikero.
