Çalakîya ciwananê kurd û enternasyonalîstan Mannheim de dewam kerde
Ciwananê kurd û enternasyonalîstan Mannheim de çalakîya protestoyê komployê vera Rayberê Şarê Kurdî Abdullah Ocalanî rê dewam kerde.
Merasîmê yadkerdişê Nîlgune Yildirim (Bêrîvan) û Bedriye Taş (Ronahî) ra dima ciwanan Mannheim de çalakîyêke kerde.
Çalakîye de ciwanan govend girewt, pankarta bi nuşteyê 'Komployê Mîyanneteweyî rê Vajê Ney' akerde û seba şehîdan deqayêke rêz girewt.
Hemsereka KCDK-E Fatoşe Goksungur çalakîye de qisey kerd û vat: ''5 rojan ra nata rixmê hewayê serdî zî seba azadîya Rayberê xo çalakîyan kenê. Pêro dinya azadîya Rayberê ma wazena coka her ca de kampanyayê azadîye dîyayî destpêkerdene.''
Çalakîye de temsîlkaranê International Linke, Die Linke, MLKP û Gemensaim Kapmafenî zî qisey kerd. Cinîyan seba pêro şehîdan deyîra 'Arî Newrozê' vate.
Çalakîye ewro do Esslingen de dewam bikera.
