Çalakîya ke bi serkêşîya Komuna Cinîyan a Şehîde Meryem a Hîldesheîmî yena viraştene, hewteyo 6. de Meclîsê Cinîyan ê Şehîd Berçem ê Salzgîtterî paştdayîş da çalakîye.

Kona ke vernîya qereqolê polîsan ê merkezê bajarî de ameya akerdene de çalakwanî seba balantişê tecrîdî serê Ocalanî û grevê vêşanîye vilawekan vila kenê.

Vervatoxa Komuna Cinîyan a Şehîde Meryeme Xeco Donma bale ante serê pêvînayîşê  2'ê Gulane yê Ocalanî û vatî“Ma pêvînayîşî ra fam kerd ke dewleta Tirkî watişanê çalakwananê grevê vêşanîye qebûl nêkena. Dewleta Tirkî seba Tirkîya gamêk averde nêeşte, reyna polîtîkaya xo ya yewperestîye dewam kena. Vera Kurdan polîtîkaya înkarî rayra bena. Heta wedartişê tecrîdî do xoverdayîşê ma dewam bikero.

Rayraşîyayîşê Hannoverî

Bajarê Hannoverî yê Almanya de, Meclîsê Cinîyan ê Şehîd Ronahî vernîya garê trêne de rayîraşîyayîşêk û mîtîngêk viraşt. Meclîsê Cinîyan ê Şehîde Arîn Mîrkane û Komela Şehîde Barîn Kobane paştdayîş da çalakîye. Dimayê qiseykerdişê çalakwanan, rêzila merdimî ver bi meydanê Steîntorî rayraşîyayîş kerd.