Bi seyan merdimê Qamişloyî verê Temsîlkarîya Neteweyanê Yewbîyayeyan (NY) de kom bîyî û înan pare kerd ke heta ke Rayberê Şarê Kurdî Abdullah Ocalanî reyde pêvînayîş nêro kerdene ê do xo ver bidê.

Roja diyîne ya çalakîye de PYDyî ra Necah Giloyî qisey kerd û îfade kerd ke heta ke ê Ocalanî ra xeberêke nêgêrê çalakîya xo dewam bikerê. Giloyî vat: ''Wa dinya bizana je ma seba Rayberê xo payan ser o yê. Ma seba ey têkoşîn kenê û xo ver danê.''

Endama Koordînasyonê Kongreya Starî Mûna Yusuf zî ard ziwan ke şewatê Îmraliyî dewamê Komployê 15ê Sibate yo. Mûna Yusuf venga dezgehanê mîyanneteweyan da ke berpirsîyarîyanê xo bîyarê ca.