Çalakîyê keyeyan ê vera tecrîdî dewam kenê
Amed, Edene û Stenbol de merdimê tepişteyan vera tecrîdî xoverdayîşê xo rê dewam kenê.
Amed, Edene û Stenbol de merdimê tepişteyan vera tecrîdî xoverdayîşê xo rê dewam kenê.
Çalakîyê vera tecrîdê serê Rayberê Şarê Kurdî Abdullah Ocalanî û paştdayîşê xoverdayoxanê grevê vêşanîye yê merdimanê xoverdayoxanê zîndanan Amed, Edene û Stenbol de ewro zî ameyî domanyene.
Amed
Amed de çalakîya grevê vêşanîye ya merdimanê tepişteyan roja 22’ine de dewam kena. Hetê bînî ra keyeyanê tepişteyan Wezaretê Edaletî rê faxî şawitî û bi rayraşîyayîşêk bale ante rewşa giran a xoverdayoxan ser. Polîsan bi wesayîtanê zirxinan postane girewt binê abûqa. Keyeyanê ke waştêne şirê Parka Koşûyolû polîsan vernîya înan girewt. Keyeyan çalakîya roniştişî viraşte û saetêk ra dima bi sloganan heta wiverê parke şîyê û uca dest bi çalakîya roniştişî kerde.
Stenbol
Stenbol de merdimê tepişteyan reyna verê xo da Zîndanê Bakorkoyî. Avûkatan û xeylî kesan paştî daye merdimê tepişteyan. Polîsan destûr nêda ke çalakîya roniştî bêro viraştene. Dayîkan heta Meydanê Şîrînevler rayra şîyî û bado zî ravêrtî rêxistina HDP’yî ya Bahçelîevlerî.
Edene
Edene de zî merdime tepişteyan çalakîya xo ya Parka Îsmet Înonu rê dewam kerde. Roja 13’ine ya çalakîye de parlamentere Tulay Hatîmogullari û xeylî cinîyî tewrê çalakîye bîyî. Dayîkan ra Nejla Kocamane veng da Wezaretê Edaletî û waşt ke eşkera vajo tecrîd ameyo wedarnayene. Kocamane vat ke şîyayîşê avûkatan ê Îmrali ûmîd dayo ma, ma ûmîd kenê ke ewro xeberê rindî yenê.