Tepişteyê sîyasîyî 27ê teşrîna peyêne ya 2023yî ra nata seba azadîya Rayberê Şarê Kurdî Abdullah Ocalanî û çareserîya meseleya kurdan grevê vêşanîye de bî.4ê nîsane de safhaya diyîne ya grevî dîyaye destpêkerdene. Na çarçewe de  tepişteyî mehkemeyan boykot kenê û pêvînayîşî nêkenê. Merdimê tepişteyan zî  seba paştdayîşê tepişteyan verê zîndanan de her roja dişemeyî çalakîya ''Veng bidê azadîye'' kenê.

Çarçewaya çalakîyanê “Veng bidê  azadîye” de xeylêk bajaran de merdimê tepişteyan verê zîndanan de ameyî têhet.

Amed de merdimê tepişteyan verê Zîndanê Kampusî de ameyî têhet. Xeylêk kesî tewrê çalakîye bîyî. Çalakîye de pankartê “Veng bidê  azadîye'  ame akerdene û merdimanê tepişteyan onlugê 'tecrîd sûcê merdimîye yo' kerdî piray. Çalakîye de sloganê sey  "Bijî berxwedana zindanan", "Heq, huqûq, adalet" û  "Girtiyên siyasî rûmeta me ne” ameyî vatene.

Qiseykerdişan de bale ameye antene muhîmîya têkoşînî ser, semedê wayîrvejîyayîşê xoverdayoxanê zîndanan ame vengdayene û ame vatene ke ê do bi têkoşînî tecrîdî bişikinê.

Reyna Êlih, Îzmîr, Adana û Mersin de zî  hetê MED TUHAD FED, TUAY-DER, OHD, DEM Parti, DBP, TJA ra bi eynî waştişî eşkerayîye ameye dayene. Çalakîyanê “Veng bidê  azadîye” de bale ancîyaye tecrîdê Îmraliyî ser û semedê wayrîvejîyayîşê xoverdayoxanê zîndanan ame vengdayene.