Koma bi nameyê ''Yewîna Qesasî ya Şehîde Sakîne Cansiz Sema Yuce'' pare kerd ke ''2ê adare de baxçeyê dibistana Ataturkî yê qezaya Baglarî yê Amedî de bi bombayan vera polîsanê tirkan ê îşxalkeran çalakîye ameye kerdene û seba wextêkê kilmî bi çekan çalakîye ameye kerdene.''

Goreyê eşkerayîye çalakîye de polîsêk ame kiştene û 2 polîsî zî birîndar bîyî. Heman eşkerayîye de ame vatene: ''Dişmanan dima dormeyê taxe girewt, la yewîna ma bi hawayêkê biasayîşî herême ra vejîyaye.''

Komêka bîne ya bi nameyê ''Yewîna Qesasî ya Şehîde Arîne Mîrkan û Şehîd Helmetî'' da zanayene ke înan Îstanbul de çalakîyê cîyayî kerdî.

Eşkerayîye de ame vatene: ''15ê adare de hetê Anatoli yê Îstanbulî de rayîrê E-5î yê Goztepe de bi metodê zîncîrkerdişî yê taynetî qeza ame kerdene. Bi metodanê cîyayan trafîk do bibo hedefê ma.

16ê adare de qezaya Sîlîvrî de vîlayêko ke faşîstan seba fuhuş û narkotîkî xebitnayêne û tede zaf faşîstî bîyî, hetê yewînanê ma ra ame tesbîtkerdene û vêşnayene.

Her di koman eşkera kerd ke çalakîyî vera tecrîdkerdişê Rayberê Şarê Kurdî Abdullah Ocalanî ameyî kerdene û vat: ''Heta ke tecrîdê vera Rayberê Apoyî dewam bikero yewînê ma yê qesasî zî do bi hawayêkê bêmabênî çalakîyan bikerê.''