Çalakîya ke paytextê Swêdî Stockholm de bi grûbanê Norwec û Danîmarka yena viraştene, 5 kese bînî tewrê ci bîyî û hûmara çalakwanan resaye 22.

Çalakwananê ke meydanê Odenplanî yo ke merkezê Stockholmî de yo xeyme ronaye û kewtî grevê vêşanîye, bi qerardarîya girde çalakîya xo rê dewam kenê. Çalakîye de heman wextî de vilawekî yenê vilakerdene û qalê amacê grevanê vêşanîye yeno kerdene.

Çalakwananê ke ANF’yî rê qisey kerd,  bêvengîya Ewropa şermezar kerde û vat ke heta ke tecrîd bero şikitene ê biqerarê ke mucadeleyî rê dewam kenê.

Çalakwanan ra Fetî Barano ke Danîmarka ra tewrê çalakîye beno vat ke seba ke îradeyê şarê Kurdî bişiknê, 20 serrî yo Rayber Ocalanî  rê tecrîd ane bicaarden, îradeyê şarê Kurdî do nê tecrîdî bişikno. Şîrîn Tokpinare ke  Norveç ra ameya aye zî vera bêvengîya Ewropa hêrsê xo ard ziwan   û waşt ke wezîfeyê xo bica bîyarê.