Çar parçeyanê Kurdîstanî ra seba kongreya HDPyî mesajê paştdayîşî ameyî erşawitene.

Serekwezîrê Îdareyê Herêma Kurdîstanî yê Federalî Mesrûr Barzanîyî vat: ''Hêvîdar a ke kongreya şima do biba wesîleya haştîye û biratîye û dostanîya şaran.''

Herêma Kurdîstanî ya Federale ra Têgêrayîşê Azadîye zî mesajê ''Bi bawerîya serkewtişê demokrasîyî, azadîye û şaran ma Başûrê Kurdîstanî ra selam şawenê kongreya şima.''

Hemserekîya Partîya Yewîya Demokratîke (PYD) zî Rojawan ra no mesaj erşawit: ''Ma şima rê selam kenê û serkewtiş wazenê.''

Partîya Demokrate ya Kurdîstanî ya Îranî,  Herêma Kurdîstanê Federalî ra Têgêrayîşê Şarê Demokratîkî, Têgêrayîşê Azadîye û Demokrasî yê Kurdîstanî, Partîya Komunîste ya Kurdistanî (KKP), Yewîya Parlamenteranê Kurdistanî, Têgêrayîşê Goranî, Rêxistina Cinîyanê  Azadan a Kurdîstanî, Partîya Keskan a Kurdîstanî, Partiya Sosyalîst a Kurdîstanî, Partîya Yewîya Demokratîke ya Kurdan a Sûrîye zî mesajê paştdayîşî erşawitî HDPyî.