PJAKî eşkerayîya xo ya derheqê pêkewtişê Îran û Îsraîlî de ard ziwan ke şarê Îranî mecbûr nîyo ke mabênê şerî û dîktatorîye de vîjnayîş bikero û semedê 'Îdareyê Xoserî' û rêxistinîye veng şaranê Îranî.
Partîya Cuya Azade ya Kurdîstanî (PJAK) ke derheqê pêkewtişanê mabênê Îsraîl û Îranî de eşkerayîye daye û vat şer şaran rê azadîye nêano.
Eşkerayîye de nê ameyî vatene: "Nê pêkewtişî netîceya hesabanê menfeatî yê îqtîdaran de vejîyayî. Rîyê poltîkayanê zextî yê rejîmê Îranî yê vera şarî ra şar vera nê şerî pozîsyono radîkal geno. Nê pêkewtişî ultîmatomo peyên ê hêzanê globali yê vera rejîmê Îranî yo. No caardişê Projeyê Rojhelatê Mîyanênî yo Newe yo."
Eşkerayîye de bale ameye antene serê şehadetanê sîvîlan ser û bitaybetî vera mergê doman û cinîyan vera mergê sîvîlan nêrazîbîyayîş ame mojnayene û ame vatene ke "No şer hetê wayîranê îqtîdarî ra dîya destpêkerdene la bedelê ci şarî danê."
PJAK eşkerayîya xo de ard ziwan ke teberê şer û dîktatorîye de vîjnayîşê bînî est ê û vat: "Çîyo ke azadîya ano Îranî têkoşîno demokratîk ê şaran û şorişê ‘Jin, Jiyan, Azadî’ yo."
PJAKî semedê 'Îdareyê Xoserî' sere de cinîyê Îranijî veng da rêxistinanê komelê sîvîlî û partîyanê sîyasîyan ê kurdan. Eşkerayîye de ame vatene, "Semedê înşayê komelêkê demokratîkî yo ke xo bi xo îdare keno, ma veng danê ke wa pêro şarî bibê seferber."
