Afîşê HDP'yî yê ke bi Kurdkî seba weçînayîşanê cayîyan ê 31’ê Adare ameyî amadekerdene, zaf bajaran de bi manekerdişê ‘açarnayîşo şaş’ yenê arêdayene. Kerdişêko sosret ê vera afîşan Dêrsim de vejîya meydan.

Qezaya Qisle ya Dêrsimî de, çekuya "mao" ya ke afîşê HDP’yî de amaya nuştene biguman ame dîyayene. Asayîşê Tirkî vengdayîş bi selahîyetdaranê buroyê weçînayîşî yê Qisle yê Yewîya Hêzî ya Şorişgêre ya Dêrsimî kerd û manaya na çekuye ci ra persayî. Xebatkarê HDP'yî zî ci rê qalê manaya slogane kerd. Labelê polîsanê Tirkî slogana "yê mao" ya afîşî sey "Maoyijî" ercna û derheqê afîşî de tehqîqat da destpêkerdene. Hetê bînî ra ame waştene ke heme afîşê bi sloganê "mao" bêrê arêdayene.

14'ê Adare de zî, dadgehêk Riha de afîşê HDP’yî yê ke ser o “Vera şerî haştîye” ameyî nuştene, semedê şaş açanaryîşî ra daybî arêdayene.