Seke yeno zanayene aşma Tebax a 2014î de çeteyanê DAÎŞî ke qirkerdişê êzidîyan de ca girewtbi welatanê cîya-cîyayan ra yenî.

FIDH û Kînyatî bi eşkerayîyêka derheqê qirkerdişî de raporêk vila kerd û waşt ke çeteyê ke Şengal de kurdê êzidî qir kerdî, wa welatanê xo de bêrê cazakerdene.

BI HEZARAN CINÎ Û QIJÎ AMEYÎ REMNAYENE

 Ame vatene ke bi hezeran cinî û qijî hetê çeteyanê DAÎŞî ra ameyî remnayene û xeylî qijê camêrdî kampanê çeteyan de bi îdeolojî yê înan ameyî perwerdekerdene.

ZAFÊ CI ROJAWANÎ RA 33 WELATAN RA ÇETEYÎ ESTÎ

Goreyê raporî çeteyanê DAÎŞî ke qirkerdişê Şengalî de ca girewtebi înan ra zafê ci welatanê Ewropa, pêro pîya 33 welatan ra ameyî.

Rapor de cinîyê ke hetê DAÎŞî ra ameyî remnayene mulaketê înan zî ca geno. Goreyê vatişê nê cinîyan tîcaretê koleyî de hemwelatijê Suudî, Lîbya, Lubnan, Urdun, Yemen û Filistînî  ya pîya hemwelatijê Almanya, Fransa, Amerîka û Çînî zî estî.

2 HEZAR 500 CINÎYÊ ÊZIDÎ  ANÊGÊRAYÎ

Eşkerayî de dîya zanayene ke temamî de 6 hezar 800 cinîyê êzidî ameyî remnayene.  Înan ra hendê 4 hezar û 300 î ya remayî ya zî vera fîdyeyî serbest ameyî veradayene. La 2 hezar 500 cinîyî nêeşkeayî agêrî.

ÇETEYÎ GANÎ SUCÊ QIRKERDIŞÎ RA BÊRÊ CEZAKERDENE

Vengdayîş de welatanê Ewropa ra ame waştene ke wa heme hemwelatijê Ewropa yê çeteyanê DAÎŞî  tena sucê terorî nê sucê qirkerdişî ra bêrê cezakerdene