Endama Heyetê Rayberdişê Merkezî yê Komeleya Heqanê Merdiman (ÎHD) Nuraye Çevîrmen grevê vêşanîye yê tepişteyan û tecrîdê vera Rayberê Şarê Kurdî Abdullah Ocalanî ANfyî rê ercnayî.

Çevîrmene ard ziwan ke grevê vêşanîye zeraranê pîlan dano weşîye tepişteyan û vat: ''Tepişteyî muracatê ma kenê û meseleyanê xo eşkera kenê. Gardîyanî tim erzenê serê koxûşê çalakîkeranê grevê vêşanîye, çalakîkeran kenê hucreyê yewkesî. Wextêkê dergî ra nata grevê vêşanîye dewam keno. Ganî selahîyetdarî semedo ke grevê vêşanîye biqedîyo gamêke bierzê. Ganî binpaykerdişê heqanê merdiman biqedê. Tepişteyî wazenê tecrîdê Îmraliyî û tecrîdê pêro zîndanan bêro wedaritene.''

Nuraye Çevîrmen îfade kerd ke ganî qanûnî bêrê caardene û vat: ''Çareserîye rehet a; wa tecrîd bêro wedaritene, wa tepişteyî keye û avûkatanê xo bivînê, heqê înan bêrê dayene. Wa selahîyetdarî çarçewa qanûnan de têbigêrê, peymananê neteweyî û mîyanneteweyîyan bîyarê ca. Ganî çalakîya grevê vêşanîye hînî nêba çalakîya hewce.''