Goreyê zanayîşanê ke ameyê girewtene, Hepisxaneyê Gîresûnî yê Tîpê E’yî de gardîyanan eşt serê odayanê tepişteyanê grevê vêşanîye.Ame zanayene, kitab û radyoyê tepişteyanê ke grevê vêşanîye de yê ameyî destsernayene.

Tepişteyo bi nameyê Mehmet Çagiriciyî bi rayîrê telefonî keyeyê xo reyde qisey kerd û qalê serebutî kerd. Çagirici 1'ê Adare ra nata Hepisxaneyê Gîresûnî yê Tîpê E’yî de grevê vêşanîye de yo. Çagiriciyî vat, “Zextî roje bi roje zêde benê. Wextêko derg o vîtamîn nêno dayene. Werdê bingeyênî (awe meyweyan, do, ûsn.) nêdanê. Rixmê her çî zî bi awe, çaye, şekirî ma grevê xo dewam kenê. Nê wextanê peyênan de seba dermankerdişî zext yeno kerdene. Nêmeyê şewe de erzenê odayanê ma ser. Sereştişan de dest nanê serê kitab û radyoyanê ma. Eke bi nê hawayî dewam bikero, beno ke bi zorî ma tedawî kenê. Mîyanê amadekarîya winayêne de yê. Labelê çi beno wa bibo ma do xoverdayîşê xo dewam bikerê.”