Wekîlê Partîya Çep a Keske yê Îstanbulî Cengîz Çîçekî netîceyê weçînayîşan ANFyî rê ercnayî.

Çîçekî weçînayîşê 14-28ê gulane sey weçînayîşê xespkerdeyî ercnayî û vat: ''AKPyî weçînayîş de tewirê bêexlaqî û zûrî kerdî û nêmeyê komelî razi nêkerd.Tirkîya û Kurdîstan do nêkewê mîyanê qefesê zerrnênî.  Coka meşrûtîya nê hukmatî tim do bêra persayene û 'serkewtişê weçînayîşî' yê Îtîfaqê Cumhurî bê paştdayîşê komelî yo. Eke mîyanê 21 serran de sîyasetê Rojhelatê Mîyanênî û nê welatî de vurîyayîşê pîlî biqewimîyê, prosesê veerê ma do seba AKPyî wina rehetî derbaz nêbo.  Weçînayîşî bi hawayêkê edîl û têdûştî nêqewimîyayî. Wezîrê AKPyî namzed bîyê û bi rehetî meydanan de têgêrayî. A raşte no sûc o zî. Her weçînayîşî ra verî îdarekar û endamê ma tepişîyenê.''

Çîçekî bale ante mutefîqîya HUDA-PARî ya bi îqtîdarî ser û vat: ''No îtîfaq mojneno ke ameyox de vera kurdan polîtîkayêka senîne do bêra kerdene. Îqtîdar armanc keno ke HDP û destkewteyanê kurdan çin bikero û bi şirîkîya HUDA-PARî û hêzanê sey ci kurdan xeta dînperestîya dewlete de awan bikero.

La roj roja xotengkerdişî nê roj roja dîyayîşê çareserî ya. Rayîrê polîtîkaya ma rayîrê şarê ma yo. Eke şar bêpolîtîka bêro verdayene no yeno manaya şar bênan yeno verdayene. Wextê ci ameyo ke ma têkoşînî biresnê zemînê huqûqî yê komelî.''