Çarçeweya oprasyonanê qirkerdişê sîyasîyan de Êlîh de 2 kesî ameyî tepiştene, Îzmîr de  6  kesî ameyî destbendkerdene.

Êlîh

Êlîh de bi sebebo ke tewrê çalakîya rêzila merdimî ya 28’ê Nîsane ya ke semedê wedartişê tecrîdê serê Raberê Şarê Kurdî Abdullah Ocalanî ameye viraştene, bîyî  6 kesî ameyîbî tepiştene. Çarçewa heman qewimîyayîşî de 7’ê Gulane de  domanêko 15 serre  û Muhammed Şerîf Çîçeklî (18) yê ke ameyîbî destbendkerdene bi îddîyaya’Endamîya rêxistinî‘ ameyî tepiştene.

Îzmîr

Îzmîr de zî 5 endamê Partîya Sosyalîste ya Bindestan (ESP) û yew merdimê tepişteyan ê ke Komeleya Heqanê Merdiman a (ÎHD) Îzmîrî de biagêrayîş kewtî grevê vêşanîye, ewro polîsan eştê bananê înan ser û destbend kerdî. Endamê Heyetê Rayberdişî yê ESP û Meclîsê Cinîyan ê Sosyalîstî (SKM) Satîye Oke, endamê ESP’yî Kerîm Altinmakas, Ozlem Tûnçe, Sînan Tekdemîr û Ertûk Yilmaz û merdima tepiştişî Cemîle Yerdute yeke ameyî destbendkerdene ameyî berdene bi Şûbeyê Temî yê Îzmîrî.