Îdareyê Xoserî yê Rojawanî derheqê hukmatê neweyî yê Sûrîye de eşkerayîyêke daye.

Îdareyê Xoserî da zanayene ke 29ê adare de Şam de hukmato newe ameyo dîyarkerdene la no hukmat zî pêro şaran temsîl nêkeno, ê verênî ra cîya nîyo. Îdareyê Xoserî vat: ‘’Ganî pêro şarê Sûrîye bi hawayêkê edîl û têdûştî bêrê temsîlkerdene. Ganî no hukmato newe awanîya kozmopolîte temsîl bikerdêne. La bi nê halê xo no hukmat do meseleyan xorinêr bikero.

Îdareyo Xoser û sûrîyeyîjî do heqanê xo yê bingeyînan ra fek vera nêdê. Ma wazenê sûrîyeyêka hempare û demokratîke awan bikerê. Ganî nê hukmatî de her kesî bi têdûştî cabigirewtêne. Ma venga hukmatê neweyî danê ke feraseto ke şaranê bînan red keno û teber de verdeno nêaro ca.’’