Merkezê Pêroyî yê Komeleya Heqanê Merdiman (ÎHD) serrgêra destpêkê Terteleyê Dêrsimî de qurbanê qirkerdişî yad kerdî. ÎHDyî da zanayene ke çarçewa 'Qanûnê Tuncelî' de 4ê gulana 1937î de Heyetê Wezîran ê Tirkîya vera Dêrsimî operasyonêko hîra dabi destpêkerdene.

ÎHDyî vat: ''Nê operasyonan de bi des hezaran kurd û elewîyî ameyî qetilkerdene û operasyon heta 1938î dewam kerd. No operasyon qirkerdiş bi û ganî warê huqûqî de nê qirkerdişî de dewlete bêra têrî.

Seba ney ganî Meclîs de Komîsyonê Heqîqatî bêro awankerdene, no operasyon sey qirkerdiş bêro qebulkerdene, dewlete uzrê xo biwaza û çareserîyê edaletî bêrê cigêrayene. Wa cayê gorê Seyîd Riza û embazanê ci bêrê eşkerakerdene, goristanê komkîyî bi usûlî bêrê akerdene, aqîbetê kênayanê vînîbîyayeyan ê Dêrsimî bêrê eşkerakerdene. Wa Dêrsim de xebatê HES û awbendê Dêrsimî bêrê vindarnayene, merkezê bawerîye û kulturî yê Dêrsimî bêro pawitene.''