Cengîz Akkaya wexto ke wendekarê Zanîngehê Suleyman Demîrelî bi, 2015 de bi sûcdarîya 'Erdoganî rê heqaret kerdo û endamê rêxistine yo' tepişîyabi û cezaya zîndanî ya serrêke û 9 mengan dîyabî ci.

Akkayayo ke Zîndanê Ereglî yê Konya de tepişîyeno, ganî vera bidîyayêne. La Heyetê Îdare û Çimdarîye yê Zîndanê Ereglî tehlîyeyê Akkayayî taloq kerd.

Heyetî bi îdîaya Akkaya 'rêxistine ra anêbirîyayo' tehlîyeyê ci taloq kerd. Akkaya ganî 3yê teşrîna peyêne ya 2023yî de vera bidîyayêne la heyetî ancî înfazê ey vêşna.