Ahmet Zenger (64) 1993 de qezaya Hezexî ya Şirnexî de bi îşkenceyî tepişîyabi û bi îdîaya 'xerakerdişê yewîya dewlete' ci rê cezaya muebede dîyabî.  Rixmo ke cezaya Zengerî (64) 4ê sibata 2023yî de qedîyaye Zenger vera nêdîyeno.

Zenger zîndan de hîrê reyî mîdeyê amelîyatî bi û o nêweşê Sara yo. Îşkenceyêkê giranî ra dima tede nêweşê parkinsonî zî virazîyaye.

Zengero ke Zîndanê Espîye yê Gîresunî de tepişîyeno hetê Heyetê Çimdarîye û Îdareyî yê Zîndanê Espîye yê Gîresunî ra reya çarine ame taloqkerdene. Cinîya Zengerî Naîme Zenger da zanayene ke heyetî mêrdeyê ci ra persê sey 'PKK rêxistina terorî yan ney', 'Ti poşman î?' pers kerdê û cewabê Zengerî ser o înfazê ey vêşnayo.

Naîme Zenger vat: ''Mêrdeyê mi bi hawayêkê keyfî vera nêdîyeno. Cezaya ke dîyaya ci rew ra qedîyaya. O zîndan de xora nêweş kewto û nêno dermankerdene zî. Na na bêhuqûqîye qebul nêkenê.''