Wezîrîya Karanê Teberî yê  Qralîyetê Yewbîyayeyan bi eşkerayîya nuştekîye qirkerdişê 3yê tembaxa 2014î nas kerd.

Wezîrê Karanê Teberî  Tariq Ahmadî vat: ''Şarê êzidîyan new serrî verî destê DAÎŞî ra zaf dejî antî ke nê dejî hema zî yenê antene. Edalet û hesabpersayîş semedê kesanê ke cuya înan bîya leteleware zaf muhîm o. Pê nê pênaskerdişê tarîxî rayîrê resayîşê edaletî bineyna yeno zixmkerdene.''

Qralîyetê Yewbîyayeyan verî zî qirkerdişê yahûdîyan, Bosna, Ruanda, Srebrenica  Kamboçya sey fermî nas kerdbi.

Sûcê vera êzidîyan verî 30ê kanûna 2021î de hetê mehkemeya almanî ra sey ''qirkerdiş''î amebi naskerdene. Dima xeylêk parlamento û dezgehanê mîyanneteweyî wina pênas kerd. Parlamentoyê Almanya aşma çeleyî de Qirkerdişê Êzidîyan nas kerdbi.