Kampanyaya 'Dardekerdişî rê Ney'î de menga sibate de 25 zîndananê Îranî de dîyabî destpêkerdene. Her sêşeme çalakîya grevê vêşanîye çarçewa kampanya de yeno kerdene. Tepişteyê sîyasî yê kurd, belûc û erebî vera cezaya dardekerdişî çalakîye de tewirê xo mojnenê.

Şaristanê Îsfahanî yê Îranî de, Zîndanê Dastgerdî de tepişteyê sîyasîyî vera cezaya dardekerdişî tewrê çalakîya grevê vêşanîye bîyî.

Îran de 2023 de 853 kesî ameybî dardekerdene. Serewedaritişê 'Jin, Jiyan, Azadî' ra dima Îran de caardişê cezaya dardekerdişî se ra 48î zêdîyabi.