11 tepişteyî 28ê sibate de Zîndanê Tarsusî ra surgunê Zîndanê Aksarayî bîyî. Ame vatene ke wexto ke tepişteyî ameyêne berdene bi zîndanî hem rayîr de hem zî îşkence bi înan ame kerdene û esteyê înan ameyî şiknayene.

Bişar Bîleno ke îşkence bi ey ame kerdene 6ê adare de birayê xo Alî Bîlenî rê pêvînayîşê zîndanî de vat ke îşkence bi înan ame kerdene. Alî Bîlenî qala îşkenceyan wina kerde: ''Roja yewîne gardîyanan înan ra waşt ke wexto ke ê tepişteyan hûmarenê wa tepişteyî wurzê payan ser. Seba ke tepişteyan no qebul nêkerd, gardîyanan da înan ro. Îşkenceyî ra dima esteyê birayê mi û ê tepişteyanê bînan şikîyayî. O nêberd revîr zî. Pêro tepişteyî kerdî hucre. Nêverdenê ke embazanê xo reyde qisey bikerê. Embazanê ci ra hayîya birayê mi çin a.''