Îstanbul de 3 endamê HEDEPî tepişîyayî
Îstanbul de 24ê teşrîna peyêne de 42 kesî ameybî destbendkerdene. Nînan ra 3 kesî tepişîyayî û 39 kesî zî bi şertê kontrolê edlîyî vera dîyayî.
Îstanbul de 24ê teşrîna peyêne de endamê HEDEPî, îdarekarê HDPyî yê verênî û endamê ÎHDyî Yusuf Gorucu zî tede 42 kesî ameybî destbendkerdene.
Nînan ra 39 kesî bi şertê kontrolê edlîyî vera dîyayî.
La Endamê Meclîsê Ciwanan ê HEDEPî Omer Gorunmek, Azad Bariş û Şehmus Bariş bi sûcdarîya 'endamî û fînansekerdişê rêxistine' ameyî tepiştene. 3 kesî do bierşawîyê Zîndanê Marmara.
