HEDEPî derheqê Rayraşîyayîşê Gemlîkî yê 19ê Teşrîna Peyêne de qezayanê Îstanbulî de kombîyayîşê şarî kerdî.

Qezaya Pendîkî de avûkatanê Rayberê Şarê Kurdî Abdullah Ocalanî ra Razîye Ozturk, îdarekarê HEDEPî yê Îstanbulî zî tewrê kombîyayîşî bîyî. Razîye Osturk kombîyayîş de ard ziwan ke Rayberê Şarê Kurdî bi paradîgmaya o komplo pûç kerdo. Razîye îfade kerd ke Abdullah Ocalan mefteyê çareserîya meseleya kurdan o. 

Qezaya Kartalî de avûkatê Rayberê Şarê Kurdî Cengîz Yureklî û xeylêk kesî tewrê kombîyayîşî bîyî. Yureklîyî kombîyayîş de pare kerd ke vera tecrîdî ganî têkoşîn bêro xurtkerdene û yewkerdene. Yureklîyî vat ke bara şiknayîşê tecrîdî milê kurdan de ya.

Qezayanê Tuzla û Ataşehîrî de zî derheqê Rayraşîyayîşê Gemlîkî de kombîyayîşî ame kerdene û venga pêro kurdan dîya ke bi xurtî tewrê rayraşîyayîşî bibê.