Nobeta Edaletî ya vera destsernayîşê Şaredarîya Colemêrgî ya ke hetê Hêzanê Kede, Haştîye û Demokrasîyî yê Îstanbulî ra dîyabî destpêkerdene roja hîrêyîne vizêr temam kerde. Çalakîye de girseyî tîşortê ''Qeyûm def be'' xo rê dayî û sloganê sey ''Bijî Berxwedana Colemêrgê'' vatî.

Hemvervatoxê HDKyî Esengule Demîr û Cengîz Çîçek, Wekîla DEM Partî Çîçeke Otlu, Kezbane Konukçu û xeylêk kesî tewrê çalakîye bîyî. Çalakîye de platformêko xoser ame awankerdene.

Hemsereka DEM Partî ya Îstanbulî Gîzeme Kuzu eşkerayîya çapemenîye wende û vart: ''Polîtîkayê destsernayîşî peynîya îqtîdarî do bîyarê. Ganî ma nê prosesî de her ca de têkoşînê hemparî awan bikerê. Ganî têkoşînê Rayîrê Hîrêyînî bi dînamîkanê komelkîyan bêro xurtkerdene.''

Eşkerayîye ra dima temsîlkaranê dezgehan qisey kerd û înan bale ante têkoşînê hemparî ser.

Çalakîya nobete ewro mabênê saetanê 19.00-22.00 de Meydanê Şîşhane de do bêra kerdene.