Îstanbul, Riha û Şirnex de operasyonê qirkerdişê sîyasîyî de avûkat û îdarekarê HEDEPî zî tede xeylêk 10 kesî ameyî destbendkerdene.

Îstanbul de serê sibayî sereştişanê operasyonê qirkerdişê sîyasîyî de avûkat û îdarekarê HEDEPî zî tede tewr tay 10 kesî ameyî destbendkerdene. Destbendkerdeyî ameyî berdene bi Mudirîya Asayîşî ya Îstanbulî. Nameyê tay destbendkerdeyan wina yê: Avûkat û Endamê OHDyî Yusuf Gorucu, Endamê Meclîsê Ciwanan ê HEDEPî Omer Gorunmek, Gulbahare Herdem Fîlîzer, Ahmet Ozboganli, Guney Yildirim, Turgut Guvener, Cezmî Guçîn, Ridvan Guçîn, Yavuz Alinçer û Adem Yildiz.

Riha de zî Endamê Meclîsê Ciwanan ê HEDEPî Enes Rakim û Mustafa Ozkan pê şîdetî ameyî destbendkerdene.

Dîya zanayene ke destbendkerdişî çarçewa tehqîqatê vera Rayraşîyayîşê Gemlîkî de bi merkezê Amerî yenê kerdene.

Şirnex de Endama Şaredarîya Siopîya Aysele Saruhan ameye destbendkerdene.