Bado ke Rezanê Amedî de cenazaya Narîne Guran ameye dîyene ke 21ê  tebaxe ra nata vînîbîyaye bîye, Îstanbul û xeylêk bajaranê bînan de çalakîyê protestoyî ameyî kerdene.

Îstanbul de Platformê Ma Do Cînayetanê Vera Cînîyan Vîndarne (KCDP) Kadikoy de eşkerayîye daye. Çalakîye de  ya ke xeylêk kesî tewr ci bîyî slogana sey ''AKP do hesab bido'' şarî bîye berze.

Sekretera Pêroyî ya KCDPî Fidane Ataselim ard ziwan ke ganî hukmat hesab bido û vat: ''Ma do cinîyan û domanan însafê keyeyan û hukmatî rê meverdê. Şima kesanê têkoşeran cade vînenê, 19 rojî yo yew domane senî nêvînenî? Têkoşînêko polîtîk hewce keno.Pêkerdişê Lanzarote bîyarê ca, qanûnê pawitişê domanan bîyarê ca. Ma şirê înan ser, pîya înan bidê war.''

Reyna Wan, Adana de zî vera qetilkerdişê Narîne Guran çalakîyî ameyî kerdene.