Rêxistina DEM Partî ya Anqara hêrişê dewleta tirke yê vera Başûrê Kurdîstanî û hemkarîya PDKyî ya bi dewleta tirke bi eşkerayîyêke şermezar kerdî. Eşkerayîye de pankarta 'Îşxal û îxanetî rê ney' ameye akerdene û sloganê 'Şerî rê ney, hêverî haştîye' ame vatene.

Hemserekê DEM Partî yê Anqara Fatîn Kanatî eşkerayîye wende. Eşkerayîye de ame parekerdene ke îqtîdarê AKP-MHPyî herinda ke haştîye awan bikero bi operasyonanê leşkerîyan şer, vêşanîye, krîzê ekonomîkî û meseleya koçberan giranêr keno.

Kanatî vist vîrî ke hêrişanê dewleta tirke yê vera Başûrî de heta nika 100 dewî ameyê xalîkerdene û xoza yena qetilkerdene. Fatîn Kanatî seba paştdayîşî veng da û vat: ''Mesuldarîya ma ya ke bi şîarê 'Şerî rê ney, dinyayêka bîne mumkîn a' vera şerî cepheyêkê xurtî awan bikerê.''

Kanatî vat: ''Têkoşînê kurdan o rûmetên qetî do nêro binvistene. La êyê ke xîret kenê ke têkoşînê ma çin bikerê do çin bibê.''