Paytextê Îtalya yê Roma, paytextê Ermenîstanî Erîvan û şaristanê Limassolî yê Qibrisî bi aktîvîteyanê roşanê ganîbîyayîşî ame fîrazkerene.

Paytextê Îtalya Roma de kombîyayîşê fîrazkerdişî bi beşdarîya kurdan û îtalyanan ame kerdene. Sîyasetmedar û nuştoxê kurdî Fuat Kavî fîrazkerdişî de qisey kerd û vat ke PKKyî bi armancê xelisnayîşê neteweyî dest pê têkoşînî kerd labelê qet bi neweşîya neteperestîye nêkewt. Kavî îfade kerd ke PKKyî destpêkî ra nata wayîrê tawirê enternasyonalîst o.

Qiseykerdişê Kavî ra dima derheqê gerîlayanê enternasyolîstan ê HPGyî de dokumenterêk ame mojnayene. Sîyasetmedar Kavî çalakîya ''Cewherê Rojawanî-Şorişê Kesk ê Cinîyan'' de îtalyanan reyde kombîyayîşêk kerd. Kombîyayîşî de jeopolîtîkê Rojawanî ame erjnayene. Temsîlkara Rete Kurdistanî Sveva Heratter kitabê xo yê projeyê MAke Green Rojava Again da şinasnayene.Kombîyayîşî de hunermend Mubînî hunerê xo pêşkêş kerd. Ameyeyê kombîyayîşî Heyva Sor a Kurdîstanî ra ameyî erşawitene.

Paytextê Ermenîstanî Erîvanî de zî bi aktîvîteyêk serrgêra ronayîşê PKKyî ame fîrazkerdene.

Şaristanê Limassolî yê Qibrisî de Salona Dibistana Teknîkî de serrgêra ronayîşê PKKyî ameye fîrazkerdene. Meydanê şayîya fîrazkerdişî de fotografê Şarê Kurdî Abdullah Ocalanî û alayê PKKyî û posterê Thefîlos Georgîadîsî ameyî daliqnayene. Deqayêkê rêzgirewtişî ra dima seba vîrameyîşê şehîdan sîyasetmedarê kurdî Lezgîn Serhatî û temsîlkarê PYDyî yê Qibrisî Yasîn Tarbouchî qisey kerd. Dima sînevîzyonêk ame mojnayene û hunermendan hunerê xo pêşkêş kerd û beşdaran govend girewt. Şayîya fîrazkerdişî de sloganê ''Biciwîyo Serek Apo'', ''Bê serek cuye nêbena'' ameyî vatene.