Îzmîr de îdarekarê HDP’yî ameyî destbendkerdene
Sereştişê polîsan ê saetanê serê sibayî yê Îzmîrî de 2 îdarekaranê HDP’yî yê bajarî ya pîya 4 kesî ameyî destbendkerdene.
Îzmîr de polîsan saetanê rewî yê sibayî de eşt xelî keyeyan ser 4 kesî destben kerdî.
Sereştişê polîsan ê Îzmîrî de hemserekê Partîya Şaran a Demokratîke (HDP) yê qezaya Menemenî Sadik Varan, hemserekê HDP’yî yê qezaya Seferîhîsarî Alî Ozturk, îdarekarê Partîya Herêman a Demokratîke (DBP) yê bajarî Farettîn Akan û îdarekarê Komeleya Paştdayîşê Keyeyanê Tepişteyan (TUAY-DER) Mûrat Ûlûg ameyî destbendkerdene.
