Xeylî qezayanê Îzmîrî de saetanê sibayî de polîsan eşt keyeyan ser. Endamê Federasyonê Komelan ê Gencan ê Sosyalîstan  (SGDF) Hazal Karabeye û Alev Ozkiraze zî tede 13 kesî ameyî tepiştene û dest nîya xeylî kitab û cîhazanê elektronîke ser a.

Hemseraka HDPyî ya Îzmîrî  Semra Uzunoke da zanayene ke înan wexto nêzdî de konferansêk viraşto û gencê ke tewrê ney bîyê ê zî mîyanê  tepişteyan de yê û best pa:‘‘ Bi nê operasyonan bitaybetî wazenê ke gencan bitersnî. La ê nêşkenî vernîya ma bigirî. Ma xo ver danê û bi qerarîye  têkoşîn rê dewam kenê. Ma do rixmê heme hêrişan serkewtiş dest bifînê.‘‘