GRAZ

Bajarê Grazî yê Awusturya de  rayberîya Merkezê Komelê Kurdan ê Demokratîke de semedê şehîdan aktîvîteyêk amî organîzekerdene. Qiseykerdişan de ardîya vîrî ke Rayberê Şarê Kurdî Abdullah Ocalan senî erj dano şehîdan û ame vatene ke şarê kurdî semedê caardişê waştişê şehîdan do mucadele berz bikero.

BERLÎN

Paytextê Almanya Berlîn de rayberîya NAV-DEM,  Meclîsê Cinîyan ê DEST DAN û Komîsyonê Keyeyanê Şehîdan de  şehîdê aşma Teşrîna verêne ardîyayî vîrî. Vîrardiş de merdimanê şehîdan û sîyasetmedaran muhîmîya şehîdan ser o qisey kerd û sozê waştişê  caardişê înan da.

HAMBURG

Bajarê Hamburgî de zî bi aktîvîteyêk şehîdî ameyî vîrardene. Aktîvîte de bi nameyê KOMAWî  CenapYeterî û bi nameyê TJK-E  zî Zîlan Dîyare qisey kerd. Dîyare ard ziwan ke Berîtane bi şehadetê xo  kulturê xoverdayîşî awan kerd û herinda teslîmbîyayîşî de xo kaş ra eşt war û bîye abîdeya anorî.

Bado zî hunermend Jîyan Arjîn û Xemgîn Bîrhatî deyîrê Şehît Hozan Serhat û Hozan Sefkanî vatî.

LAHR

Bajarê Lahrî de zî hetê Komîsyonê Keyeyanê Şehîdan ra aktîvîteyêk amî organîzekerdene. Virardiş de Parlamentero Verên ê HDPyî Faysal Sariyildizî qisey kerd.  Sariyildizî şehîdan rê deydanrîya şarê kurdî arde ziwan û waşt ke wa şarê kurdî wayîr ro mîrasê şehîdan bivejîyo.

BORDEAUX

Bajarê Bordeauxî yê Fransa de zî şexsê Berîtane de şehîdê  azadîye ardîyayî vîrî. Xeylî kesî tewrê aktîvîteyî bîyî û şehîdan rê heskerdiş û giredayîşê xo ramot. Qiseykerdişan de ame vatene ke rêça şehîdan de rayîrraşîyayîşî çew eşkeno layiqê şehîdan bo.

RENNES

Bajarê Rennes de zî Meclîsê Şarî aktîvîteyêk organîze kerde. Bi seyan kesî tewrcê ci bîyî. Vîrardiş de kitabê ‘Rojbîna me‘  û kitabo ke şehîdanê Kobanê ser o ameyo nuştene, dîyayî naskerdene.