Yadin Bulut (Rizgar Suwar) o ke 24ê tebaxa 2023yî de Xakurkê de şehîd bibi, Hamburg de ame yadkerdene.

Merdimê Yadin Bulutî  û xeylêk kurdîstanijî tewrê aktîvîteya yadkerdişî bîyî.

Aktîvîte de Cenap Yeterî bi nameyê KOMAWî qisey kerd, vat "Şehîdanê ma semedê şarê xo ganê xo da, ma zî ganî wayîrê têkoşînê înan bivejîyê,waştişê înan bîyarê ca."

Aytene Durmuş zî bi nameyê Komîsyonê Keyeyanê Şehîdan ê Hamburgî qisey kerd û vat, "Ma sey dayîkan nêwezenê nê dejan reyna biciwîyê."

Dezayê Yadin Bulutî, Firat Bulut zî vat, "Yadini şehîdê hîrêyinî yê keyeyî yo û nameyê xo fermandaranê efsaneyan ê xoverdayîşê Şêx Seîdî Yadoyî ra girewto."