Anqara de 10ê teşrîna verêne ya 2015î de DAÎŞî bi bombayan hêrişê mîtîngê demokrasî, azadîye û kede kerdbî û 104 kesî qetil kerdbî. Qurbanê Qirkerdişê Garî yê Anqara menga 98. de serkêşîya rêxistinanê komelê sivîlî de ameyî yadkerdene 

Temsîlkar û îdareyê KESK, DÎSK, Yewîya Tabîban a Tirkan (TTB) û Komeleya Paştdayîşî û Haştîye ya 10ê Teşrîna Verêne (10 Ekim-Der) zî tede xeylêk kesî tewrê merasîmî bîyî.

Sereka 10 Ekim-Derî Mehtape Sakîncî Coşgun yadkerdiş de qisey kerd û îfade kerd ke xîretê haştîye rê bi bombayan cewab ameyo dayene. Coşgune vat: ''104 kesî Gar de ameyî qetilkerdene la seba nînan edalet nêame caardene. Yeno waştene ke no qirkerdiş vîran ra şoro. La seba caardişê edaletî ma do heta peynî têkoşîn bikerê. Ma do nêverdê ke 10ê Teşrîna Verêne vîran ra şoro.''